Rusiya İtaliyaya cavab verdi

İtaliya prezidenti Sercio Mattarellanın Rusiyanın Ukraynadakı münaqişədəki hərəkətlərini Üçüncü Reyx layihəsi ilə müqayisə etməsi hədsiz və təhqiramizdir.

 

Bu fikirləri TASS-a açıqlamasında Rusiya Xarici İşlər Nazirliyinin rəsmi nümayəndəsi Mariya Zaxarova deyib.

 

“O, Rusiya Federasiyası ilə faşist Almaniyası arasında açıq-aşkar saxta tarixi paralellər apararaq, 1930-cu illərdə Qərbin işğalçını sakitləşdirmək siyasətinin uğursuzluğunu Ukrayna böhranının həlli zamanı nəzərə alınmağa çağırıb”, - diplomat brifinqdə qeyd edib.

 

Zaxarova İtaliya prezidentindən belə “küfr uydurmaları” eşitməyin qəribə və vəhşi olduğunu vurğulayaraq, italyanların faşizmin nə olduğunu çox yaxşı bildiklərini xatırladıb.

 

Brifinq zamanı Zaxarova həmçinin bildirib ki, Kiyevin Çernobıl AES-i vurması Ukraynanın nüvə təhlükəsizliyini pozmaq üçün atdığı son addım deyil.

 

Xarici İşlər Nazirliyinin rəsmi nümayəndəsi qeyd edib ki, Ukrayna üzrə danışıqlar prosesinin konkret parametrləri barədə danışmaq hələ tezdir.

 

Bundan əvvəl Rusiya Xarici İşlər Nazirliyi ABŞ-ın Ukraynanın NATO-ya üzvlüyü ilə bağlı bəyanatını realizm təzahürü adlandırmışdı.

 

Nigar